VIDEO/ Skandal në plazhin e Durrësit, policia ndalon autobusët me pushues nga Kosova

VIDEO/ Skandal në plazhin e Durrësit, policia ndalon autobusët me pushues nga Kosova

15:44, 16/07/2017
A+ Aa A-

Policia nuk lejon asnjë të hyjë në plazh. Gjobiten rëndë shoferët nga policia e qarkullimit!

Asnjë prej autobusëve nga Kosova të cilët u nisën për të pushuar në plazhin më të madh të vendit, në Durrës, nuk janë lejuar të hyjnë në rrugën “Pavarësia” në vendet ku ata kanë patur vendqëndrimet e tyre. Burra, gra e fëmijë të vegjël u detyruan të zbresin në skajet e zonës së plazhit, që më pas të udhëtojnë me taksi drejt banesave apo hoteleve që kanë prenotuar ditë më parë.

Tek Ura e Dajlanit dhe në Plepa, policia e qarkullimit rrugor ngriti postblloqe, duke mos lejuar asnjë prej autobusëve të mbushur me pushues të hyjnë në plazh. Ata autobusë që tentuan të hynin, u gjobitën, ndërsa ky vendim i policisë së qarkullimit rrugor u zbatua vetëm për autobusët që mbërrijnë nga qytetet e ndryshme të Kosovës dhe jo të shteteve të tjera, të cilët nuk janë penguar të hyjnë në rrugën “Pavarësia”.

Pushuesit kanë treguar se në pikun e të nxehtit janë detyruar që për rreth 2 orë të sorrollaten nëpër rrugicat e plazhit për të gjetur një mundësi të mbërrinin në vendqëndrimet e tyre. Të shokuar janë të gjithë operatorët e biznesit në Durrës, por edhe banorët.

Nëse pushuesit nga Kosova nuk do të hyjnë në plazh, asnjë prej tyre nuk ka punë. Hotelet janë bosh në pjesën më të madhe, po ashtu edhe banesat që jepen me qira, shezlongët janë bosh në masë të madhe dhe e gjithë zona është në krizë.

Dëshmia e policit nga Prishtina

Prej 17 vjetësh, Asim Aziri, është punonjës policie në Prishtinë. Po kaq vjet ka që për çdo vit ai dhe 50 anëtarë të familjes së tij të madhe kalojnë pushimet verore në plazhin e Durrësit.

Aziri, bashkëshortja dhe tre fëmijët e tij të mitur, mbërritën në plazh 2 ditë më parë. Autobusi me të cilin mbërritën nuk u lejua të hyjë në rrugën “Pavarësia”.

 “U keqtrajtuam nga shteti nënë, u keqtrajtuam ne që vijmë dhe bëjmë pushime këtu. Përveç kosovarëve, asnjë pushues tjetër nuk është penguar të hyjë në plazh. Vitin tjetër do të shkojmë në Ulqin, nuk do të vijmë më në Durrës, pas kësaj që na bënë këtë vit”, shprehet Asimi, i cili përveçse është shumë patriot, është edhe shumë atdhedashës.

 “Policia e Shqipërisë nuk ka solli asnjë pengesë nga kufiri deri në Durrës, por këtu tek Ura e Dajlanit nuk na lejuan të hynim. Na dërguan në Plepa, edhe atje nuk na lejuan të hynim në plazh. Me fëmijë të vegjël, me çanta e me valixhe, na bëjnë këtë keqtrajtim”, thotë Arsimi.

Punonjësi i policisë shprehet se si rezultat i kësaj gjendjeje, plazhi në Durrës është bosh. Njerëzit tanë nga Kosova nuk do të vijnë në Durrës. Prej ditësh që ndodh kjo gjendje nuk po vijnë më dhe kjo duket që plazhi këtë verë është bosh.

© SYRI.net

Lexo edhe:

Komentet

Leka 16/07/2017 22:21

Epo kështu janë urdhëruar nga rilindja. Shqiptarë nga trojet etnike zgjedhin bregdetin shqiptar për të vetmen arsye, TURIZËM PATRIOTIK. Të përbuzen në këtë mënyrë nga shteti është poshtërsi

Shto koment

Denonco