Fshati Babullojë në Lezhë nuk ka Qendër shëndetësore. Prej tetë vjetësh, 700 banorë të këtij fshati detyrohen të shkojnë deri në Lezhë edhe për injeksione të thjeshta mjekësore. Ndonëse u është premtuar rikonstruksion i qendrës shëndetësore, deri më tani, nuk është bërë asnjë veprim konkret.
Nga SYRI TV
Prej më shumë se 8 vitesh, afro 700 banorë të fshatit Babullojë të Lezhës, nuk mund të marrin shërbim mjekësor pasi ambulanca është shkatërruar dhe në atë godinë nuk ndodhet asnjë mjek. Banorët e këtij fshati detyrohen që të marrin kujdes shëndetësor në spitalin e qyteti.
Të shqetësuar për këtë situatë, banorët i bëjnë thirrje autoriteteve përkatëse që të marrin masa dhe të mundësojnë një ambulancë në fshatin Babullojë pasi është shumë jetike për ata.
Ky shqetësim është i njohur për Njësinë Vendore të Kujdesit Shëndetësor në Lezhë, por nuk është marrë asnjë masë për t’i dhënë zgjidhje këtij problemi disavjeçar.
© SYRI.net