Mes familjarëve, miqve dhe kolegëve, gjyqtari në Gjykatën e Posaçme të Apelit Kundër Korrupsionit dhe Krimit të Organizuar, Florjan Kalaja ka përuruar botimin e fundit “Lirimi me kusht”.
Përmes këtij libri synohet të kombinohet realizimi sa më i mirë i qëllimit të sanksionit penal, lufta efektive kundër kriminalitetit dhe riedukimi i të dënuarit, me humanizmin e nevojën e rikthimit të menjëhershëm pranë familjes e shoqërisë.
Monografia trajton në mënyrë të detajuar e analizon me vështrim kritik modelin e dënimit me burgim të përjetshëm të pandryshueshëm në legjislacionin shqiptar.
Ndër faqe, gjyqtari jep mendimin e tij për të ndryshuar ligjin, konceptimin dhe jurisprudencën e gjykatave në Shqipëri.
© SYRI.net