Dashmirës të gegnishtes, shkrimtarë, studiues e njohës të mirë të letrave shqipe pa i përkitur kësaj fushe kanë nënshkruar një peticion juridik, hartuar nga Blerta Kraja me kërkesë themelore për krijimin e një komisioni ndërshtetëror, me ekspertë  gjuhëtar, letrarë, mësues, gazetarë e intelektualë “Për një gjuhë shqipe të përbashkët”, për hartimin e rregullave të reja.

Kërkesa që i drejtohet autoriteteve të Shqipërisë , Kosovës, Maqedonisë së Veriut dhe Malit të Zi, sipas shkrimtarëve Primo Shllaku e Migjen Kelmendi  ngrihet mbi bazën e një shqipe të njëjësuar, ndaj ata evidentuan problemet më të qenësishme sot.

Në një kohë kur kufijtë janë thjesht virtualë është e udhës sipas gegëdashësve ngritja e rregullave në një tjetër nivel , që gegnishtja  të jetë sa më afër përdoruesve të saj e të përballojë rrjedhën e viteve.