Sezoni turistik në Shëngjin ka sjell fluks të rasteve të personave të prekur me virusin Covid-19. Një fakt i tillë u bë i ditur nga mjekja e Urgjencës në plazhin e Shëngjinit, dr. Artiola Todaj, e cila thotë se rastet janë gjithnjë në rritje por që pjesa më e madhe e tyre janë me shenja të lehta, njofton gazetari Martin Marku.

Në këtë qendër janë në shërbim  të pushuesve në 24 orë, tre mjekë dhe tre infermierë. Gjatë kësaj periudhe nuk kanë munguar rastet e Urgjencës me komplikacione të ndryshme, sidomos tek fëmijët dhe moshat e treta.

Që prej 15 qershorit në Shëngjin është ngritur qendra shëndetësore verore në funksion të pushuesve e cila do të qëndroje e hapur në këtë zonë turistike deri në mbyllje të sezonit veror.