Në lagjën numër 5 në Sanxhak të Kurbinit, banorët e zonës kanë ngritur shqetësimin e rrugës së prishur prej shumë kohësh, ku institucionet vendore e kanë lënë në harresë

NGA SYRI TV

Banorët kanë denoncuar degradimin e rrugëve, e cila është premtuar të rregullohet gjatë fushatave elektorale dhe më pas askush nuk është kujtuar.

Banorët e lagjës numër 5 në Sanxhak të Kurbinit kanë denoncuar degradimin e rrugëve, të cilat janë lënë në harresë nga Bashkia pas premtimeve elektorale.

Ata janë shprehur se amortizimi i këtyre rrugëve i ka penalizuar ata, ndaj kërkojnë asfaltim të rrugëve, e jo mashtrime në kohë fushatash elektorale.

Pasi kërkesat e banorëve të zonës nuk janë dëgjuar nga institucionet vendore, ata kanë ndërhyrë vetë në riparimin e rrugëve.

Kërkesa për ndërhyrje të insitutcioneve nga ana banorëve është bërë prej kohësh, por ka mbetur në kuadër të premtimeve gjatë fushatës, pa marrë masa konrekte.