Ndërtimi i një Hidrocentrali të ri në fshat, ka ngritur në protestë banorët e Madheshit në zonën e Ulzës. Banorët akuzojnë kryetarin e bashkisë se qëndron pas projektit, ndërsa shprehen të vendosur për të mos lejuar ndërtimin e Hidrocentralit, që sipas tyre, u dëmton pronat.
SYRI TV
Banorët Madheshit në Njësinë Administrative Ulëz, pretendojnë se ky HEC, i cili kalon në një zonë të mbrojtur dhe parashikon t’u marrë të gjithë ujin e vaditjes, është zhvilluar në fshehtësi të plotë dhe akuzojnë kryetarin e bashkisë, se qëndron pas këtij projekti.
Banorët thonë se nëse u marrin ujin, u kanë marrë jetën.
Ata shprehen se nuk do ta lejojnë një masakër mjedisore të bëhet në fshatin e tyre.
Komuniteti i kësaj zone shprehet i vendosur për të vijuar rezistencën, me qëllim mbrojtjen e territorit ku ata kanë ndërtuar jetën.
© SYRI.net