Mjeku epidemiolog, Ilir Alimehmeti, duke komentuar situatën me studentët dhe protestat e tyre, thekson se është 'pro' vaksinimit, por kundërshton detyrimin e injeksionit.

I ftuar në emisionin “Quo Vadis”, ai deklaroi se vaksina nuk jep siguri të plotë, ndaj, sipas tij, të vaksinuarit, jo vetëm infektohen, por edhe mund të infektojnë të tjerët

 “Urime gjithë studentëve. Më në fund u kthyen. Kemi kapërcyer dicka të madhe. Unë kam qenë pro vaksinimit dhe kundër detyrimit. Na ka munguar informacioni.

Dyshimet e studentëve janë të drejta. Studentët i kanë mundësitë më të ulëta, por mund të infektohen. Siguri nuk ka me asnjë lloj vaksinë", u shpreh mjeku i njohur.