Afërdita Suka ka lindur në vitin 1980 në Kosovë por që fëmijë ajo së bashku me familjen e saj emigruan në Gjermani.

Në zgjedhjet e djeshme (26 shtator) në Gjermani, Afërdita kandidoi nën siglën e të Partisë së Gjelbë ku arriti të jetë dhe deputetja e parë shqiptaro-gjermane e zgjedhur në landin e Berlinit.

Suka është shprehur për Euronews Albania se ka pasur edhe mbështetjen e shqiptarëve që jetojnë atje gjatë garës politike.

“Kanë qenë gjithmonë pranë meje dhe kanë besuar se do të fitoj. Kandidatura ime ka ndikuar shumë si mobilim i shqiptarëve, jo vetëm të shkojnë të votojnë por edhe të interesohen për politikën”, u shpreh ajo.

 Suka tregoi se nën siglën e të Partisë së Gjelbër, ka marrë rezultate shumë të mira.

“Po patjetër do jem në parlament. Unë do të përfaqësoj në landin e Berlinit zonën ku jam zgjedhur”, tregoi ajo.

Gjithashtu Suka renditi edhe çështjet me të cilat do të fokusohet puna e saj, si rritja e çmimeve të banesave, përmirësimi i cilësisë së arsimit, përmirësimi i shërbimit në shëndetësi dhe mbrojtja e ambientit.