Ujërat e zeza kanë pushtuar fshatin Suk 1 në Roskovec prej 30 vitesh, ndërsa pushteti vendor vetëm bën sehir pranë këtij shqetësimi të mijëra banorëve. Qytetarët të intervistuar nga SYRI TV apelojnë për ndërhyrje pasi ndihen të rrezikuar nga sëmundje të ndryshem.
Nga SYRI TV.
Banorët e fshatit SUK 1 në bashkinë e Roskovecit bashkëjetojnë prej 30 vitesh me ujërat e zeza. Ujërat e zeza në mungesë të kanalizimeve kanë pushtuar jo vetëm rrugët, por çdo ambient në këtë fshat. Të pakta janë familjet që kanë gropa septike, ndërsa shumë prej tyre i shkarkojnë në rrugë.
Edhe kanali vaditës, është kthyer në një landfill në të gjithë gjatësinë e tij për shkak të derdhjes së mbetjeve të ndryshme.
Në fshatin Suk 1 që prej viteve ‘90 mungojnë edhe elementët e tjerë infrastrukturorë, si kanalizimet e ujërave të bardha, uji i pijshëm, por dhe rikonstruksioni i rrugëve të brendshme.
© SYRI.net