Lajmi i fundit

'Çim Peka LIVE'/ 'Rikthimi' i Berishës dhe e ardhmja e PD

VIDEO/ Mjeku: 'Gripi i verës' ngjan me variantin Delta, ja si ta bëni dallimin

VIDEO/ Mjeku: 'Gripi i verës' ngjan me variantin Delta, ja si ta bëni dallimin

08:26, 24/07/2021
A+ Aa A-

Mjeku i njohur Tritan Kalo përmes një reagimi në rrjetet sociale shkruan se në qarkullim në vendin tonë, përpos Covid-19, është dhe një virozë e njohur ndryshe dhe si “gripi i verës”, i cili ka shumë ngjashmëri me variantin Delta, sa i takon manifestimit të simptomave.

Ndryshimi sipas Kalos, është se kjo virozë, e cila zgjat nga 3 deri në 5 ditë, nuk shoqërohet me humbje të nuhatjes apo shijes, si dhe nuk shfaq probleme në rrugët e poshtme të frymëmarrjes. 

Mjeku apelon të gjithë ata që kthehen nga vende të tjera, ku qarkullimi i Deltas është më i madh, që në rast se kanë shenja klinike, të distancohen deri në qartësimin nëse kanë virozën stinore apo janë infektuar me variantin e ri të Covid.

POSTIMI I PLOTE

RIKUJTESË për pushuesit në brigjet e Adriatikut, të Jonit dhe jo vetëm… "Gripi i verës” apo ethja 3-5 ditore është një virozë, e cila ka shenja klinike pothuajse plotësisht të njejta me shfaqjet klinike të variantit “Delta”, të infeksionit të shkaktuar prej virusit Sars-Cov2/Covid-19, me: temperaturë, dhimbje koke, dhimbje muskujsh e kyçesh, këputshmëri e shpesh dhimbje barku të bashkshoqëruara me të përziera ose/dhe të vjella e heqje barku/diarre.

POR pa çrregullime të shijes dhe/ose nuhatjes (të cilat nuk vërehen në këtë variant të Covid-19) dhe pa lëndime të rënda të vijave të poshtme të frymëmarrjes (të cilat fatmirësisht janë më pak të shpeshta si në të vaksinuarit po ashtu edhe në ata të prekurit nga Covid-19 i variantit “Delta” të infeksionit prej virusit Sars-Cov2), dhe me “test të shpejtë” ose “PCR-real time” për Sars-Cov2 NEGATIV…..

Në mesin e të sëmurëve me shenjat e mësipërme, mundet të ketë pa dyshim edhe të infektuar me variantin “Delta” të virusit Sars-Cov2/Covid-19, sidomos persona shqiptarë ose të huaj të ardhur për pushime nga vënde ku ky virus është mjaft i përhapur si Britania e Madhe, Francë, Itali, Hollandë, Greqi, Gjermani, etj. Këta persona duhet të jenë shumë lart të VETNDËRGJEGJËSUAR, për t’u vetëizoluar deri në sqarimin e shkakut të gjendjes së tyre klinike.

Po ashtu edhe personeli i Qendrave Mjekësore në zonat e pushimeve dhe jo vetëm, duhet të rrisin vigjilencën epidemiologjike ndaj të sëmurëve me shenjat e mësipërme që ata/ato vizitojnë. Në ndërkohë kur dhe ku është e mundur të MOS hezitojmë të vaksinohemi, që të ulim sa të jetë e mundëshme numurin e të infektuarve nga virusi Sars-Cov2/Covid-19.

”Flama mbarëbotërore” nuk është shuar apo mposhtur plotësisht, edhe pse “pjesa më dramatike” e kësaj Pandemie është luajtur tashmë, dhe VETËKUJDESJA si dhe KUJDESJA ndaj atyre që gjallojnë pranë nesh nuku duhet nënvlerësuar….NE mantelbardhët dhe i gjithë personeli tjetër shëndetësor jemi aty ku duhet të jemi, në vijën e parë të përballjes me Pandeminë nga Sars-Cov2/Covid-19 që me Punën, Profesionalizmin, Përkushtimin dhe Përkujdesjen tonë, t’ju vimë në ndihmë nëse JU do të prekeni nga një……Together forever!!!

© SYRI.net

Lexo edhe:

Komentet

Skrapari24/07/2021 14:51

Profesor Kalon, degjoni me vemendje o popull trushkulur, jo te ashtuqusjturin Komitet te km felliqesires dhe mimistren me profesion mesuese biologjie.

Gj24/07/2021 08:39

Faleminderit shume për sugjerimet Doktor i nderuar

Shto koment

Denonco