Radhë të mëdha janë krijuar te sheshi ‘Skënderbej’ në Tiranë, pranë tendave të vaksinimit.

Procesi i vaksinimit nuk ka nisur ende edhe pse me dhjetëra të moshuar ndodhen në shesh.

Deri tani, ata nuk kanë asnjë informacion.

Nga personeli mjekësor thuhet se procesi do të nisë shpejt, por deri tani nuk është vaksinuar askush.

Situata është e rënduar dhe të moshuarit janë braktisur në shesh, duke mos u dhënë asnjë rrugë zgjidhje.

Mësohet se vaksina kineze nuk ka më dhe do të bëhen vetëm AstraZeneca, por edhe kjo vaksinë nuk dihet se kur do të nisë të shpërndahet. Të moshuarit janë shprehur të irritur në lidhje me situatën.