Mijëra shqiptarë të Kosovës kanë zgjedhur që ta kalojnë fundjavën në Shqipëri.

Mësohet  se mbi 13 mijë kosovarë kanë kaluar kufirin Vërmicë-Morinë, këtë të premte sipas autoriteteve kufitare, ndërkohë që edhe mëngjesin e të shtunës fluksi është teje i madh.

 Qytetarët deklaruan se ata janë duke shkuar në Shqipëri, ku mund të frekuentojnë kafenetë dhe restorantet, pasi në Kosovë janë të mbyllura. Ndryshe nga vendi ynë , Qeveria e Kosovës ka marrë vendim për mbylljen e gastronomisë dhe qendrave tregtare për 12 ditë, pas rritjes së rasteve me COVID-19, gjatë javëve të fundit.