Edhe pse vitet kalojnë, duket se shqiptarët vazhdojnë të mos ndërgjegjësohen në lidhje me të drejtat e kafshëve dhe mbrojtjen e jetës së tyre.
Prej kohësh në rrjetet sociale dhe media kanë qarkulluar foto me pamje makabre ku kafshët janë helmuar, vrarë apo keqtrajtuar mizorisht nga njerëzit, por duket se ngjarjet nuk kanë të sosur.
Qyteti i radhës është Pogradeci, dhe qentë fatkeq duket se janë gjetur këtë periudhë të ftohtë të vitit, në këtë qytet.
Një ditë më patë, në faqen zyrtare të Animal Rescue Albania (ArsAlbania) u postuan disa pamje të trishta që vinin nga qyteti i Pogradecit, ku shfaqen qen të lidhur në mes të dëborës, në mes të hiçit, të pangrënë dhe në temperatura që arrijnë në -12 gradë celcius.
Faqja ka shkruar gjithashtu se Bashkia Pogradec ka paguar njerëz për të kapur qentë dhe për t’i transportuar ato drejt një vendi të shkretë, ku qentë janë lënë në kushte të tmerrshme deri në frymën e fundit të tyre.
Mirëpo, ajo çfarë nuk ka kaluar pa u vënë re është fakti se kjo ngjarje është përsëritur për të dytën herë në qytetin e Pogradecit, pasi vetëm 4 vite më parë, Bashkia e Pogradecit gjeti këtë ‘zgjidhje’ për qentë endacakë, duke lidhur rreth 40 qen në trungjet e pemëve në mes të dëborës, derisa ngordhën, nga etja, uria, i ftohti, dhimbja, apo nga të gjitha bashkë.
Arsalbania, një faqe e hapur në mbrojtje të të drejtave të kafshëve ka deklaruar gjithashtu se Bashkia Pogradec ka reaguar pas postimeve të njëpasnjëshme edhe nga qytetarët.
Bashkia në fjalë pretendon se ata nuk janë përgjegjës, dhe ka kaluar përgjegjësinë tek personi i punësuar i cili sipas tyre, torturonte kafshët.
Ndërkohë, stafi i Arsalbania pohon se të njëjtën përgjigje ka marrë nga Bashkia e Pogradecit edhe para katër vitesh, dhe ja ku jemi sot, në të njëjtën situatë, me pamje mizore nga qyteti i luleve dhe penës.
Më poshtë video dhe statusi i plotë nga Arsalbania:
© SYRI.net
cfar te them behet fjale per njerez te pa pergjegjeshem pa shpirt pa ndjenja nuk mund te trajtohet asnje qeneje e gjall qe mere fryme ne kete menyre. Mallkuar qofshin keta njerez ( si ata qe i bejne keto gjera si ata qe i vejne keta mostra per te bere kete pune), dhe te mos harojne se nje dite do japin llogari para zotit, dhe nje gje ta dine se cfare mbjellin do korrin aty ku i dhemb me teper.
Kshu duhen lidh Rilindasit