Rriten ndjeshëm vdekjet/ MSH: 538 raste të reja, 9 humbje jete në 24 orët e fundit

Rriten ndjeshëm vdekjet/ MSH: 538 raste të reja, 9 humbje jete në 24 orët e fundit

16:50, 25/01/2021
A+ Aa A-

Ministria e Shëndetësisë njofton se në 24 orët e fundit ka një rritje të ndjeshme të numrit të vdekjeve në raport me ditët e kaluara. Sipas MSH në orët e fundit kanë humbur jetën 9 persona, ndërsa kanë rezultuar 538 raste të reja.

Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën dhe të vijojnë të zbatojnë rregullat antiCOVID duke vendosur maskën mbrojtëse në çdo ambient jashtë shtëpisë; duke shmangur grumbullimet dhe duke ruajtur distancimin fizik; duke u kujdesur për higjenën vetjake, në mënyrë që të parandalohet përhapja e COVID-19.

Ju njohim me situatën e COVID19 në 24 orët e fundit si vijon:

Janë kryer 1918 testime dhe kanë rezultuar pozitivë 538 qytetarë.

Rastet pozitive të konfirmuara janë identifikuar në këto bashki: 208 raste në Tiranë, 39 raste në Durrës, 36 raste në Lushnje, 28 raste në Vlorë, 27 raste në Fier, 20 raste në Elbasan, 18 raste në Shkodër, 19 raste Mirditw, 11 raste në Kamëz dhe Gramsh, 10 raste në Kurbin, 9 raste në Lezhë, 8 raste në Mallakastër, Divjakë, 7 raste në Kuçovë, 6 raste në Kavajë, Mat, Gjirokastër, Sarandë, 5 raste në Has, Delvinë, Dibër, Peqin, 4 raste në Tepelenë, Ura Vajgurore, Prrenjas, Vorë, 3 raste në Vau i Dejës, 2 raste në Krujë, Pukë, Rrogozhinë, Malësi e Mdhe, Kolonjë, Poliçan, 1 rast në Kukës, Librazhd, Përmet, Skrapar.

Në 24 orët e fundit janë shëruar 401 qytetarë, duke e çuar numrin e të shëruarve 44,291 që nga fillimi i epidemisë.

Aktualisht në 4 spitalet COVID, po trajtohen 282 pacientë, 19 në terapi intensive nga të cilët 4 pacientë janë të intubuar.

Me gjithë përpjekjet e stafit mjekësor, 9 qytetarë e kanë humbur betejën me COVID19 në spitalet COVID. 3 qytetarë nga Tirana, 2 qytetare nga Durrësi, 2 qytetar nga Librazhdi, 1 qytetar nga Kurbini, 1 qytetar nga Lushnja, të moshave 29-84 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.

COVID-19 – Statistika (25 Janar 2021)

Raste të reja ditore        538

Të shëruar në 24 orë     401

Të shtruar në spitale     282

Humbje jete në 24 orë   9

Testime ditore              1918

Testime totale            336,716

Raste pozitive             72,812

Raste të shëruara        44,291

Raste Aktive                27,197

Humbje jete                 1324

Shpërndarja gjeografike e rasteve aktive sipas qarqeve:

Tiranë 15968

Fier      2007

Durrës       1481

Shkodër  1359

Elbasan  1147

Vlorë         1057

Lezhë   967

Korçë        916

Berat  852

Gjirokastër 537

Dibër  502

Kukës 404

 

© SYRI.net

Lexo edhe:

Komentet

ai25/01/2021 18:29

Si shpjegohet fakti që dje ishin vetëm 3 të intubuar , që nënkupton pacientë në gjëndje më të rëndë, e sot na dalin 9 pacientë që kanë humbur jetën e katër të intubuar ? Kush i ndjek statistikat e Woldmeter të universitetit John Hopkins, besoj se ka vënë re që ka një kollonë ku pasqyrohet numuri i pacientëve në gjendje kritike të çdo vendi. Ky numur ndryshon çdo ditë tek të gjitha vendet, vetëm tek Shqipëria ngelet që prej disa muajsh i pandryshuar numuri 39. Mesa duket , duke parë që Rakacolli jep shifra të pabesueshme për pacientët në gjëndje kritike, kjo statistikë i bie shkurt duke fiksuar këtë numër.

Shto koment

Denonco