Lajmi i fundit

LIVE/ Mblidhet Këshilli Bashkiak i Himarës për drejtuesin e ri

Mbërrin dimri/ Ja si do të jetë moti gjatë fundjavës

Mbërrin dimri/ Ja si do të jetë moti gjatë fundjavës

13:09, 27/11/2020
A+ Aa A-

Dimri duket se ka mbërritur edhe pse zyrtarisht jemi ende në vjeshtë. Shërbimi Meteorologjik Ushtarak ka bërë parashikimin e motit për fundjavën e 28-29 nëntorit.

Më poshtë, parashikimi i motit për të shtunën dhe të dielën:

Ditën e shtunë moti në vend do të nisë i kthjellët, por gradualisht prej mesditës vranësirat do të vijnë në dendësim në jugperëndim.

Më tej, do të shtrihen drejt lindjes. Në orët e mëngjesit sërish përgjatë luginave do të shfaqet mjegulla e mjegullina.

Era do të fryjë juglindje-jugperëndim e lehtë e mesatare përgjatë bregdetit, duke u pasuar nga valëzim i forcës 3 ballë.

Ditën e diel në vend do të mbizotërojë moti i vranët me intervale të shkurtëra me diell. Prej orëve të mesditës, do të nisin reshjet e shiut me intensitet të ulët në pjesën më të madhe të vendit.

Në jug, do të fitojnë intensitet deri mesatar. Në zonat malore dëborë e dobët mbi 1500m, ndërsa në orët e mbrëmjes reshjet e dëborës do të përfshijnë lartësitë mbi 900m në verilindje.

E pranishme do të bëhet mjegulla e mjegullina në lugina. Era do të fryjë nga kuadrati i jugut mesatare dhe hera herës e vrullshme, duke u pasuar nga valëzim i forcës 5 dhe 6 ballë në brigjet e Jonit.

Temperaturat do të pësojnë luhatjet si më poshtë:

Image

Image

© SYRI.net

Lexo edhe:

Komentet

Shto koment

Denonco