Presidenti serb, Aleksandar Vuçicc ka thënë se vendi i tij  kujdeset për popullsinë në të gjithë Serbinë, si dhe se mjekët te atjeshëm u kujdesën për 8 shqiptarë, megjithëse nuk kishin asnjë dokument.

Ai gjithashtu tha se 8 shqiptarë që sipas tij ishin të infektuar me koronavirus u transferuan nga Novi Pazari në një qendër mjekësore në Beograd, dhe nuk kishin asnjë dokument nga Serbia.

Kreu i shtetit serb gjithashtu tha që pacientët me gjendje më të rëndë ishin vendosur në Nish, Kragujevc ose Beograd, dhe se sistemi po përpiqej t`i ndihmonte të gjithë, raporton Alo.rs.

‘Njerëzit janë njerëz, ne nuk kemi kërkuar dokumente dhe sistemi shëndetësor serb kujdeset për ta. Ne përpiqemi t’i ndihmojmë të gjithë’, tha ai.