Shërbimi Meteorologjik Ushtarak parashikon një të dielë me reshje. Në zonat malore, ato do jenë në formën e dëborës.

Në momentin që po flasim vranësirat mesatare dhe të dendura kanë përfshirë të gjithë territorin e vendit tonë për shkak të masave ajrore të paqëndrueshme.

Moti i vranët do të vijojë deri në fund të ditës dhe me kalimin e orëve do të nisin edhe reshjet e shiut me intensitet të ulët.

Reshjet e dobta do të përfshijnë zonën e jugut dhe atë të qendrës ku lokalisht nuk përjashtohet edhe mundësia e shtrëngatave afatshkurtra. Në zonën e veriut reshjet do të jenë në formën e dëborës; në zonën e verilindjes në lartësitë mbi 300-400 metër dhe në relievet e tjera malore të vendit reshjet e dëborës do të jenë në lartësitë mbi 700-800metër.

Nga relativisht të njëjta kushte atmosferike vendi ynë do të ndikohet edhe ditën e nesërme. Moti në pjesën më të madhe të vendit do të jetë i vranët përjashtuar zonën e jugut. Në zonat malore do të ketë reshje të dobëta shiu dhe dëbore ndërsa në zonën e qendrës dhe atë të veriut përgjatë orëve të pasdites reshje shiu të dobëta.

Temperaturat në orët e mëngjesit pritet të arrijnë nga -3ºC në zonat malore deri në 2ºC në ato të ulëta dhe ato bregdetare, ndërsa në vlerat e mesditës nga 1ºC në relievet malore deri në 14ºC në ato të ulta dhe ato bregdetare.