Bashkia Shkodër, ka organizuar për të tretin vit rradhazi aktivitetin “Promovimi i vlerave dhe resurseve të trashëgimisë kulturore, natyrore dhe produkteve të territorit të 11 njësive administrative”, panairi përmbyllës për të gjithë territorin.

Ky aktivitet u realizua në kuadër të promovimit të potencialeve zhvillimore të territoreve të 11 njësive administrative të Bashkisë Shkodër. Në këtë panair janë prezantuar produktet bujqësore e blegtorale tipike të territorit, resurset natyrore, pasuritë e trashëgimisë kulturore dhe gatimet tradicionale.