'Nëse dikush e sheh Laroshen e kuqërremtë, i lutemi të na njoftojë'

'Nëse dikush e sheh Laroshen e kuqërremtë, i lutemi të na njoftojë'

12:31, 06/11/2019

Për të dytën herë brenda muajit tetor, lista e shpendëve të Peizazhit të Mbrojtur Vjosë-Nartë është pasuruar me një lloj të ri. Këtë radhë bëhet fjalë për Laroshen e kuqërremtë (Tadorna ferruginea).

Vrojtimi pararendës për këtë lloj në vendin tonë është raportuar nga Shoqata Ornitologjike Shqiptare në vitin 2017, ku një individ është fotografuar në Parkun Kombëtar Divjakë-Karavasta. Në këtë raportim përmendet se edhe në vitin 2014 është gjetur një individ i vrarë i këtij lloji.

Raportime të mëhershme, për këtë lloj në vendin tonë pothuajse mungojnë tërësisht edhe pse lloji është i përfshirë në pak lista apo publikime mbi shpendët e Shqipërisë. Kësisoj, ky vrojtim mund të përfaqësojë të tretin në vend për këtë lloj.

Greqia dhe Bullgaria janë vendet më në perëndim të Evropës ku ky lloj është raportuar si folezues. Laroshja e kuqërremtë ka një shtrirje shumë të gjerë folezimi në të gjithë Azinë, në Lindjen e Mesme si dhe në disa vende bregdetare të Afrikës mbi-Ekuatoriale.

Nëse dikush e ka hasur apo ka informacion mbi vrojtime të tjera të këtij lloji në vendin tonë, Administrata Rajonale e Zonave të Mbrojtura Vlorë i lutet ta informojë.

© SYRI.net

Lexo edhe:

Komentet

Shto koment

Denonco