Autoriteti i Aviacionit Civil ka bërë një njoftim në rrjetet sociale për të gjithë ata persona që kanë planifikuar të udhëtojnë në drejtim të Italisë.

Sipas AAC, për shkak të një greve të kompanive të fluturimit në vendin fqinj, disa fluturime nga Aeroporti i Rinasit janë anulluar.

"Njoftim i rëndësishëm! Autoriteti i Aviacionit Civil, njofton të gjithë pasagjerët që fluturojnë drejt Italisë dhe anasjelltas, të konfirmojnë statusin e fluturimit të tyre, për shkak të një greve kombëtare nga disa operatorë të transportit në shtetin fqinj", thuhet në njoftim.