Pjesa më e madhe e Tiranës pa ujë, defekt i rëndë në tubacionin kryesor të Bovillës Punimet qe po kryhen sot per riparimin e tubacionit

Pjesa më e madhe e Tiranës pa ujë, defekt i rëndë në tubacionin kryesor të Bovillës

13:30, 20/09/2019

Ndërmarrja e Ujësjellës Kanalizimeve në Tiranë njoftoi sot qytetarët se mbrëmjen e djeshme, datë 19 shtator 2019, në linjën e transmetimit që shkon nga ujëmbledhësi i Bovillës deri në Impantin e Bovillës ka ndodhur një defekt i rëndë, ku ka pasur dëmtim të tubit kryesor.

Inxhinierët dhe grupet e punës kanë marrë masat e nevojshme dhe po punojnë intensivisht për të riparuar në kohë sa më të shkurtër defektin e ndodhur, edhe pse kushtet atmosferike të orëve të fundit nuk kanë qenë në favor të tyre.

Ujësjellës Kanalizime Tiranë njofton qytetarët se kufizimet e furnizimit me ujë do të vijojnë edhe gjatë ditës së sotme në zonat që preken nga ky defekt, pasi procesi i trajtimit të ujit dhe i shpërndarjes në rrjet kërkon një kohë të caktuar.

Kufizime të furnizimit me ujë do të ndihen në pjesën më të madhe të Tiranës si dhe në zonat e Yzberishtit dhe Astirit, të cilat tashmë furnizohen me ujë direkt nga Bovilla.

Ujësjellësi Tiranë shtoi se po punojnë maksimalisht për kthimin sa më parë të furnizmit normal me ujë në këto zona.

© SYRI.net

Lexo edhe:

Komentet

Gramoz20/09/2019 17:02

Njoftim i bashkise nga lali Dhjeri, drejtuar qytetareve te Tiranes, deri ne riparimin e difektit ne ujsjellesin e Bovilles, qytetaret e Tiranes do furnizohen me uje nga pusi Ajoles ose burimi i Lindes ne Surrel! Falenderojme qytetaret e Tiranes per mirkuptimin!

Gramoz20/09/2019 15:55

Njoftim i rendesishem nga bashkia e lali Dhjerit! Njoftohen qytetaret e Tiranes, se derisa te riparohet difekti i rende ne ujsjellsin e Bovilles, qytetaret Tiranes do furnizohen me uje nga pusi Ajoles dhe burimi i Lindes! Ju falenderojme per mirkuptimin!

Shto koment

Denonco