Instituti i Gjeoshkencave njoftoi se pasditen e së martës dhe nesër, të mërkurën priten sërish reshje në të gjithë territorin e vendit.

Në shumicën e qarqeve reshjet do të jenë të dobëta dhe lokalisht mesatare.

Në qarkun Shkodër dhe Lezhë reshjet priten të jene mesatare dhe në zona të kufizuara të qarqeve, edhe në formë shtrëngate.

Nesër temperaturat minimale dhe maksimale të ajrit pritet të arrijnë:
në bregdet: 11 / 17 °C
në vendet e ulëta: 7 / 19 °C
në vendet malore: 4 / 14 °C

Sot pasdite dhe nesër era pritet të fryjë e lehtë deri mesatare në të gjithë territorin.