Që nga dita e nesërme, e martë pritet që të nisë përmirësimi i motit në Shqipëri.

Pas ditëve të ftohta dhe me erë të fortë, nga e marta do të rikthehet dielli i ngrohtë.

Edhe temperaturat do të njohin rritje.

Më poshtë keni parashikimin e motit nga Instituti i Gjeoshkencave, Energjisë, Ujit dhe Mjedisit.

Reshjet

Ditën e martë nuk priten reshje, siç tregohet në tabelë, respektivisht për secilin qark.

Temperaturat

Të martën temperaturat minimale dhe maksimale të ajrit pritet të arrijnë:

në bregdet: 3 / 14 °C

në vendet e ulëta: 1 / 11°C

në vendet malore: -3 / 8 °C

Era

Të martën era pritet të dobësohet, për të fryrë e lehtë deri mesatare.

Zjarret në pyje

Të martën në qarqet Shkodër, Lezhë, Durrës, Fier dhe Berat pritet të jenë në nivelin “i ulët” për zjarre në pyje.