Moti do të vazhdojë të jetë i ftohtë dhe me reshje në vendin tonë.
Sipas të dhënave nga meteorologët, gjatë ditës së nesërme cikloni i dëborës do të zhvendoset në drejtim të Maqedonisë.
Reshje të dendura bore do të ketë në shumë pjesë të territorit të Shqipërisë me përjashtim të atyre rajoneve ku temperatura e lartë do të kushtëzojë reshje shiu.
Temperaturat do të shënojnë ulje të lehta si pasojë e erërave të ftohta veriore.
Nga e Premtja do të kemi zvogëlimin e dukshëm të intensitetit të reshjeve atmosferike dhe në shumë rajone edhe ndërprerjen e tyre.
Pra, të premten pritet të mbajë mot i vranët vende-vende me reshje kryesisht të dobëta bore.
© SYRI.net