Ndotja arrin nivele shqetësuese në pyllin e Sodës në Vlorë. Krahas prerjes së drurëve, kjo zonë është kthyer në një hambar të madh mbeturinash që vazhdojnë të hidhen çdo ditë. Ndërkohë deri tani nuk ka asnjë person të ndaluar apo të proceduar për këtë dëm të konsiderueshëm në mjedis, institucionet nuk kanë gjetur ende një zgjidhje.

Pavarësisht se është folur shpesh për ndërhyrje në zonë apo edhe ruajtje të saj me policinë bashkiake, asgjë nuk ka ndryshuar.

Depozitimi plehrave vazhdon po njësoj, ndërsa nga policia nuk ka asnjë person të ndaluar, të shoqëruar apo të ndjekur penalisht për ndotjen e mjedisit në këtë zonë.