Reforma territoriale siç nisi keq, ashtu përfundoi, dhe sot nuk rezulton e suksesshme, e pazbatueshme në terren.

Përveç faktit se bashkitë sot janë të varura financiarisht nga qeveria dhe e ka në dorë ajo sa fonde u jep përmes grandeve, duke i parë me ngjyrime politike, nuk u financon projektet.

Nuk u kanë kaluar as pas 4 vitesh kompetencat e plota bashkive. Një nga bashkitë e cila ka pasur probleme me kompetencat e të cilat ende nuk i kanë kaluar është Bashkia Kamëz.

Kryetari i Bashkisë Kamëz, Xhelal Mziu, pohon se Kamza ‘është etalon i diskriminimit nga qeveria ‘Rama’ në moskalimin e kompetencave ose kalimit të tyre i pashoqëruar me faturën financiare, mjetet dhe personelin e duhur’. I referohemi edhe një herë tjetër situatës. Kemi p.sh. një konvikt shkolle brenda qytetit të Kamzës, siç është konvikti i shkollës ‘Loro Boriçi’, i Shkollës së Mjeshtërisë Sportive dhe nuk menaxhohet nga Bashkia e Kamzës, por brenda territorit tonë menaxhohet nga Bashkia e Tiranës.

Ky është një problem që kërkon zgjidhje dhe predispozita e kryetrarit të Bashkisë Kamëz për t’i dhënë drejtim kësaj çështjeje nuk ka munguar. ‘Në mënyrë sistematike kemi kërkuar nga Ministria e Arsimit dhe ajo e Financave kalimin e konviktit në vartësinë tonë duke qenë se është pjesë e territorit të Bashkisë Kamëz. Jemi gjendur përballë mungesës së vullnetit të tyre për të na e kaluar këtë kompetencë, mungesës së komunikimit normal institucional’, - thotë kryebashkiaku Xhelal Mziu.

Madje, në një nga prej komunikimeve në përgjigjen e tij, sekretari i Përgjithshëm i MASR, Plarent Ndreca, i kujton Bashkisë Kamëz së të gjitha konviktet e sistemit arsimor parauniversitar u kanë kaluar nën administrim njësive të qeverisjes vendore.

Kryebashkiaku Xhelal Mziu në shkresat dërguar Lindita Nikollës i thekson faktin se duke qenë se konvikti i Shkollës së Mjeshtërisë Sportive ‘Loro Boriçi’ ndodhet në territorin e Bashkisë Kamëz, ndërkohë administrohet nga Bashkia Tiranë, ndaj ne këmbëngulim në faktin që është e papranueshme dhe e paprecedentë që Bashkia Tiranë të administrojë këtë konvikt që ndodhet në territorin e Bashkisë Kamëz.

Bashkëngjitur me shkresën përcjellëse MASR dhe Lindita Nikollës kryebashkiaku Mziu i ka dërguar edhe hartën e planvendosjes së objektit si dhe tabelën 3 ‘Transferta e pakushtëzuare dhe specifike për bashkitë’.