Vitaminat A, C dhe E janë thelbësore për ruajtjen e shëndetit të mirë të syve. Siç shkruan MedicalNews, vitaminat B dhe lëndët e tjera ushqyese mund të jenë gjithashtu të mira për sytë.

 Mungesa e vitaminave të veçanta mund të rrisë rrezikun e disa sëmundjeve të syrit, të tilla si katarakti, glaukoma dhe degjenerimi makular i lidhur me moshën.

 Hulumtimet sugjerojnë se disa suplemente vitaminash dhe mineralesh ndikojnë në ruajtjen e shëndetit të syve.

Vitamina A është thelbësore për shikim të mirë. Është një përbërës i proteinës rodopsinë, e cila lejon syrin të shohë në kushte me dritë të ulët, shkruan Medical News.

Njerëzit mund të shtojnë vitaminën A në dietën e tyre duke ngrënë patatet e ëmbla, karotat e kungullin.

Vitamina E, Alfa tokoferoli është një formë e vitaminës E që ka veti veçanërisht të fuqishme antioksiduese.

Antioksidantët ndihmojnë në luftimin e radikaleve të lira, të cilat dëmtojnë indet në të gjithë trupin. Ndonjëherë, radikalet e lira mund të dëmtojnë proteinat brenda syrit. Ky dëmtim mund të rezultojë në zhvillimin e zonave me re – katarakte – në thjerrëzat e syrit.

Vitamina C, luan një rol të rëndësishëm në vetë syrin, duke mbrojtur kundër dëmtimit të rrezeve UV si dhe ndihmon në mbrojtjen kundër dëmtimit oksidativ.

Derisa,një studim i vitit 2020 zbuloi gjithashtu se plotësimi i vitaminës B1 dhe mekobalaminës mund të zvogëlojë simptomat e sëmundjeve të syrit të thatë.