Nëse ndiheni nën presion ose stres, ka një zgjidhje dhe në fakt është në frigorifer ose në rafte. Shikoni më poshtë cilat ushqime luftojnë stresin dhe nëse nuk i keni në shtëpi atëherë merrni atë që ju nevojitet nga supermarketi.

Bajame

Ato përmbajnë zink i cili ka një rëndësi të madhe për humor të mirë, por edhe hekur dhe acide të mira yndyrore. Kështu, ato japin energji (mungesa e së cilës na bën të ndihemi të stresuar) dhe janë një pjesë thelbësore e një diete të duhur.

Çokollatë

Të gjithë e dinë se ngrënia e çokollatës na bën të ndihemi më mirë! Dhe është e vërtetë: Çokollata ul nivelet e kortizolit (hormoni i stresit) në gjak dhe redukton simptomat e stresit. Zgjidhni të zezën, e cila është edhe shumë e pasur me antioksidantë.

Manaferrat

Nuk është rastësi që konsiderohen “super ushqim” si për shëndetin, ashtu edhe për psikologjinë tonë. Janë shumë të pasura me vitamina dhe antioksidantë që konsiderohen të dobishëm kur stresi na pushton.

Drithërat e plota

Magnezi dhe triptofani (që trupi i përdor për të sekretuar serotoninën, i ashtuquajturi hormoni i lumturisë) që gjenden në drithërat janë shumë të rëndësishëm për të na mbajtur të qetë. Pasuroni dietën tuaj me makarona gruri integral dhe bukë dhe hani një bar me drithëra për energji dhe humor të mirë.