Lëkura anash thonjve është një nga problemet më irrituese të kozmetikës – dhe nuk mund të fajësoni ata që e këpusin shpesh.

Copat e vogla të lëkurës së lirë që shfaqen pranë një thoi, shpesh kapen te rrobat dhe stolitë dhe mund të duken të shëmtuara.

Por tani ekspertët e lëkurës po paralajmërojnë se një dëshirë e vazhdueshme për të hequr lëkurën mund të jetë një shenjë e një sëmundjeje të njohur të shëndetit mendor.

Dëshira e përsëritur për të këputur lëkurën anash thonjve është një shenjë treguese e një sëmundjeje të quajtur dermatillomania - një lloj çrregullimi obsesiv-kompulsiv pak i njohur, sipas përkufizimit zyrtar.

Në një klip të postuar në TikTok, mjekja podologe me bazë në LA, dr Dana Brems u tregoi 2.3 milionë ndjekësve të saj se si duket sëmundja duke përdorur një video të një personi që këput lëkurën në gishtin e tij.

Mjekët mund të diagnostikojnë sëmundjen kur dikush këput lëkurën madje deri në atë pikë sa të dëmtojë gishtin ose të shkaktojë plagë.

“Shkaku i saktë nuk është kuptuar plotësisht, por stresi dhe ankthi mund të përkeqësojnë simptomat”, shkroi ajo në një shkrim.

Postimi mori 200 komente, kryesisht nga përdoruesit që identifikoheshin me vesin.

"Unë e kam atë gjë dhe më dhembin duart," shkroi një komentues, ndërsa një grua identifikoi se këputja e lëkurës së saj ishte një "mekanizëm përballues që kur isha fëmijë".

Dermatillomania mendohet se prek deri në pesë për qind të popullsisë amerikane në një moment të jetës së tyre, rreth 16 milionë njerëz, sipas vlerësimeve nga klinika e Cleveland-it.

Edhe pse konsiderohet një formë e çrregullimit obsesiv kompulsiv, ose OCD, ka dallime kyçe.

Për shembull, problemi i lëkurës nuk vjen gjithmonë bashkë me mendimet obsesive dhe ata me OCD zakonisht nuk e dëmtojnë veten qëllimisht.

Një element kyç i dermatillomanisë është këputja e lëkurës pa mëshirë, deri në atë masë që fillon të ndërhyjë në jetën e përditshme qoftë për shkak të lëndimit apo stresit.

Ekzistojnë dy lloje të këputjes së lëkurës te dermatillomania, sipas klinikës Cleveland.

Ajo automatike - që shpesh ndodh nga personi pa e menduar - ose ajo e fokusuar, që është kur vesit i kushtohet kohë. Këputja e fokusuar lidhet me lëndimet.

Kjo mund t'i bëjë pacientët të brishtë ndaj infeksioneve potencialisht serioze dhe ndikon në punën, jetën sociale dhe aktivitetet e tjera të përditshme, sipas Fondacionit Ndërkombëtar të OCD-së.

Sëmundja prek më së shumti gratë dhe ato që vuajnë nga ankthi, tregojnë studimet dhe mund të shkaktohet nga trauma të mëdha të jetës.

Fatmirësisht, hulumtimet tregojnë se trajtimi mund të jetë efikas për lehtësimin e vesit. Kjo përfshin lloje specifike të terapisë kognitive të sjelljes dhe antidepresantëve SSRI - të njëjtit lloj që përdoren për të trajtuar çrregullimet e ankthit.

@footdocdana #duet with @✨B.U.Tea✨ a subset of body-focused repetative behaviors. The exact cause is not fully understood, but stress and anxiety can exacerbate symtoms #dermatillomania #skinpicking #doctor ♬ To Build A Home - The Cinematic Orchestra & Patrick Watson