Lajmi i fundit

Qëllohet me armë drejt makinës së një avokati në Memaliaj. Dyshimet e para

Infeksionet me Candida auris po përhapen shpejt në SHBA

Infeksionet me Candida auris po përhapen shpejt në SHBA

19:36, 23/03/2023
A+ Aa A-

 

Një infeksion mykotik që është i vështirë për t’u trajtuar, po përhapet me një ritëm alarmant në SHBA, thotë Qendra për Kontrollin dhe Parandalimin e Sëmundjeve (CDC).

Rastet në SHBA gati u dyfishuan në vitin 2021, nga 756 në 1,471, thotë raporti i CDC. Njerëzit e shëndetshëm nuk janë në rrezik nga infeksioni i quajtur Candida auris, por ata me sistem imunitar të dobët, ose ata që përdorin pajisje mjekësore si ventilatorë ose kateter, mund edhe të humbin jetën.

Shumica e rasteve të testuara ishin imun ndaj trajtimit anti-mykotik dhe për këtë arsye CDC e ka quajtur atë një “kërcënim urgjent të rezistencës antimikrobike”.

Sëmundja mund të përhapet nga “kontakti me pacientët e prekur dhe sipërfaqet ose pajisjet e kontaminuara” thonë nga CDC.

Simptomat më të zakonshme janë ethet dhe të dridhurat që nuk përmirësohen pas trajtimit. Infeksioni u raportua për herë të parë në SHBA në vitin 2016, por rritja më e shpejtë e rasteve u raportua nga viti 2020 deri në vitin 2021.

Një tjetër arsye shqetësuese ishte shtimi i rasteve që u bënë “rezistente ndaj ekinokandinave” që është ilaçi antimykotik më i rekomanduar për trajtimin e infeksionit.

CDC ia atribuon rritjen e numrit të rasteve të raportuara me parandalimin e dobët të infeksionit në institucionet e kujdesit shëndetësor.

 

© SYRI.net

Lexo edhe:

Komentet

Shto koment

Denonco