Dëshironi të qëndroni të shëndetshëm dhe të mbani trupin tuaj në formë të shkëlqyer?
Ushqimet e pasura me antioksidantë mund t'ju ndihmojnë ta bëni këtë.
Është më e dëshirueshme që këto antioksidantë t'i përfshini në dietën tuaj, shkruan Aktivni.si , dhe transmeton City Magazine .
Kurkumin
Ky antioksidant gjendet kryesisht në shafran i Indisë, një erëz e njohur indiane.
Konsumimi i rregullt i kurkuminit ul rrezikun e sëmundjeve të zemrës, kancerit, sëmundjes së Alzheimerit dhe ndihmon në ngadalësimin e procesit të plakjes.
Piperina
Piperinën më shpesh do ta gjeni në piper të zi. Konsumimi i piperinës ndihmon në absorbimin e lëndëve ushqyese, forcon sistemin imunitar, redukton simptomat e inflamacionit, stabilizon nivelet e sheqerit në gjak dhe ndihmon në humbjen e peshës.
Likopeni
Ky është një antioksidant i fuqishëm bimor që gjendet në fruta dhe perime të kuqe dhe rozë (domate, shalqinj, panxhar.
Likopeni përmirëson disponimin dhe mbron trupin nga toksinat dhe sëmundjet e ndryshme kronike.
Allicin
Gjyshet tona kanë thënë tashmë se hudhra është një antibiotik natyral. Ai përmban ndër të tjera edhe alicinë, e cila njihet për vetitë e saj kuruese.
Ndihmon në luftimin e ftohjes, mban të fortë sistemin imunitar, ul presionin e lartë të gjakut, përmirëson shëndetin e sistemit kardiovaskular dhe ka një efekt pozitiv në shëndetin e flokëve dhe lëkurës.
Resveratrol
Resveratroli është një tjetër antioksidant i fuqishëm që gjendet tek rrushi dhe manaferrat. Ai ul presionin e gjakut dhe përshpejton prodhimin e “kolesterolit të mirë” në trup.
Në të njëjtën kohë, ky antioksidant ruan shëndetin e qelizave të trurit dhe redukton simptomat e shumë sëmundjeve.
© SYRI.net