Dhimbjet e kokës zakonisht ndodhin te njerëzit çdo ditë për arsye të ndryshme, por ajo e shkaktuar nga Omikroni është specifike.

Në vetëm tre muaj, omicron është bërë varianti dominues në mbarë botën.

Varianti i ri është përgjegjës për shumicën e të sapoinfektuarve me Covid dhe shkaktoi mjaft panik në fillim.

Lehtësimi solli njohurinë se varianti i ri nuk çon në simptoma të rënda si ato të shkaktuara nga delta, gjë që e bën më të ulët rrezikun e shtrimit në spital dhe vdekjes, shkruan Times of India .

Simptomat e omicron janë të ngjashme me simptomat e ftohjes së zakonshme dhe lidhen kryesisht me rrufë, dhimbje të fytit, dhimbje trupi, dhimbje gjoksi, lodhje dhe dhimbje koke.

Sipas një studimi britanik, dhimbja e kokës është ndër pesë simptomat e para që shfaqet tek të infektuarit me omicron dhe është specifike. 

Është një dhimbje koke e përhershme që shpesh shoqërohet me simptoma të tjera si rrjedhje hundësh, dhimbje të fytit dhe lodhje.

Ka tre specifika me të cilat kjo dhimbje koke ndryshon nga të tjerat.

Ka intensitet mesatar deri në të fortë

Intensiteti i dhimbjes së kokës varet nga shkaktari i saj. 

Mund të jetë i lehtë nëse shkaktohet nga presioni i punës dhe mund të jetë serioz nëse shkaktohet nga migrena.

Në rastin e infeksionit omicron, dhimbja e kokës është përgjithësisht e moderuar deri në të rëndë. 

Ndjehet si një pulsacion, presion ose pickim, gjë që është e pazakontë në rastin e një dhimbje koke të përgjithshme. 

Përveç kësaj, dhimbja e kokës e shkaktuar nga varianti omicron zgjat deri në tre ditë, edhe nëse merrni qetësues rregullisht.

Duket nga të dyja anët

Nëse i keni kushtuar ndonjëherë vëmendje, ndonjëherë ju dhemb koka vetëm në njërën anë ose në një pjesë. 

Zona e dhimbjes së kokës varet gjithashtu nga shkaktari.

Kur bëhet fjalë për infeksionin omicron, dhimbja mund të ndihet në të dy anët e kokës. 

E gjithë koka mund të jetë e tensionuar dhe e lënduar.

Shpesh shoqërohet me sinuset

Sipas ekspertëve, dhimbja e kokës në rastin e omicron mund të jetë një reaksion inflamator i trupit gjatë luftimit të virusit.

Ndërsa virusi shumohet në traktin respirator, ai prek edhe sinuset, duke çuar në inflamacion.

Kështu, dhimbja e kokës zakonisht shfaqet me sinusit. Nëse vuani nga një infeksion i sinusit, dhimbja e kokës mund të jetë edhe më e keqe.

Lexoni më shumë rreth Covid-19 dhe pasojat e pandemisë në vend dhe në botë në faqen e  Coronavirus .