Ndërsa paniku në lidhje me variantin Omicron në mbarë botën vazhdon, lajmi se është zbuluar dhe një variant tjetër mutacioni i COVID-19 në Qipro ra si bombë në axhentën e botës shkencore.

Një grup shkecëtarësh qipriot pretenduan se kishin zbuluar një mutacion të ri të COVID-19, të cilët ata e emëruan si Deltacron, pasi ishte një bashkim midis variantit Delta dhe Omicron.

Ata njoftuan se 25 persona ishin të infektuar nga ky variant.

Megjithatë reagim nga bota shkencore ndaj këtij pretendimi të shkenctarëve qipriot nuk vonuan.

Dr. Krutika Kuppalli, një mjeke e sëmundjeve infektive që punon në Organizatën Botërore Të Shëndetësisë ( OBSH ), tha: 'Deltacron nuk është real'.

Ajo shkroi në Twitter: "Deltacron nuk është real dhe ka të ngjarë të jetë për shkak të artefaktit të sekuencës (ndotja laboratorike e fragmenteve të sekuencës Omicron në një ekzemplar Delta). Të mos i shkrijmë emrat e sëmundjeve infektive siç bëjmë me çiftet e famshme’.

Edhe ekspertja globale e shëndetit Dr Boghuma Kabisen Titanji ndan pikëpamje të ngjashme me eksperten e OBSH-së.

''Informacioni aktualisht i disponueshëm tregon kontaminimin e një kampioni në krahasim me rikombinimin e vërtetë të varianteve të Delta dhe Omicron," tha Titanji.

Ndërsa virologu britanik Dr Tom Peacock shkroi në twitter:

"Sekuencat qipriote 'Deltacron' të raportuara nga disa media të mëdha duken të jenë mjaft të qarta kontaminim. "

Martin Michaelis, Profesor i Mjekësisë Molekulare në Universitetin e Kentit, tha për The Mirror se nuk është ende e qartë nëse mostrat janë reale, apo një gabimi i renditjes apo kontaminim.

Ai u shpreh: "Me sa mund të them unë, studiuesit nga Qiproja kanë renditur mostrat e SARS-CoV-2, koronavirusit që shkakton COVID-19, dhe kanë marrë sekuenca gjenomike që kombinojnë tiparet e varianteve Omicron dhe Delta.

“Nuk është ende e qartë nëse kjo është e vërtetë apo një gabim renditjeje apo pasojë e kontaminimit.

“Nëse viruse të ndryshme nga variante të ndryshme SARS-CoV-2 analizohen në të njëjtat makina, mund të merrni sekuenca që duken sikur janë nga një virus i ri, por në realitet janë vetëm një përzierje virusesh të ndryshme.

“Prandaj, duhet të presim se çfarë do të tregojnë hetimet e mëtejshme. Në çdo rast, “Deltakron” nuk është emër zyrtar”.

Por ai paralajmëroi se nëse dy viruse infektojnë të njëjtën qelizë, ka potencial që shtamet të kombinohen - që do të thotë se formohet një variant hibrid./mirror.co.uk