Pfizer dhe BioNTech ndanë me publikun detajet e kërkimit të tyre të gjerë për të matur efektin e dozës së tretë të vaksinës së virusit korona.

BioNTech dhe Pfizer njoftuan se tre doza të vaksinës kundër virusit korona sigurojnë nivelin e antitrupave që do të neutralizojnë variantin e ri Omicron. 

Në deklaratën e tyre të parë zyrtare mbi efektivitetin e vaksinave BioNTech dhe Pfizer kundër Omicron, u tha se dy doza të vaksinës siguronin antitrupa neutralizues më të ulët, ndërsa doza e tretë rriti antitrupat neutralizues me 25 herë.

“Mund të ofrojmë një vaksinë të re”

Sipas  Reuters, në deklaratën e BioNTech dhe Pfizer theksohej se nëse është e nevojshme, mund të ofrojnë një vaksinë të zhvilluar posaçërisht për rastin Omicron në mars 2022.

Në një studim të kryer sot në Institutin Afrikan të Kërkimeve Shëndetësore, u deklarua se vaksina Pfizer/BioNTech ofronte 'mbrojtje të pjesshme' kundër variantit Omicron dhe shkalla e mbrojtjes u njoftua si 40 për qind.