Ju e dini që mëngjesi është vakti më i rëndësishëm i ditës, sepse e furnizon trupin me energjinë e nevojshme që i nevojitet për të përmbushur detyrimet e ditës.
Por a e dini se cili është mëngjesi ideal për shëndet të mirë dhe mirëqenie?
Sipas Walter Willett, një profesor i Harvardit dhe ish -shef i Departamentit të të Ushqyerit, mëngjesi ideal është një kos me arra.
Siç ka deklaruar, nuk është adhurues i lëngut të portokallit dhe as i drithërave standarde, ndërkohë që nuk ha asnjëherë ushqime të ëmbla, si briosh dhe donut, pasi konsumimi i tyre nuk i sjell aspak dobi organizmit.
Mëngjesi i tij i preferuar e mbush trupin me lëndë ushqyese të pasura, të tilla si fibra, proteina dhe yndyrna të mira.
Përveç kësaj, falë probiotikëve që përmbahen në kos, metabolizmi është i rregulluar.
Sipas tij, nëse duam të kemi shëndet më të mirë, duhet të rrisim konsumin e frutave, perimeve, arrave dhe bishtajoreve dhe të reduktojmë konsumin e mishit të kuq dhe sheqerit.
Është gjithashtu e rëndësishme të shtojmë ushqime të pasura me fibra, si tërshëra, në dietën tonë, pasi ato na japin energji, zvogëlojnë rrezikun e kancerit të mëlçisë, diabetit të tipit 2 dhe obezitetit.
© SYRI.net