Si do të përfundojë pandemia COVID-19? Skenari mbizotërues

Si do të përfundojë pandemia COVID-19? Skenari mbizotërues

09:06, 21/09/2021
A+ Aa A-

Në një artikull të ‘The Conversation’ profesori i mjekësisë në Universtietin e Anglisë Lindore, Dr. Paul Hunter shpjegoi se pandemia e COVID-19 nuk është e para pandemi vdjekëprurëse.

Thuhet se pandemia e gripit rus që ndodhi në 1880 dhe që zgjati pesë vite  e kishte origjinën nga një tjetër koronavirus i cili u quajt OC43.

Në Angli dhe Skoci shumica e vdekjeve që ndodhën në vitet 1890-1891 ishin si rrjedhojë e këtij koroanvirusi i cili qarkullon dhe sot e kësaj ditë po pa shkaktuar sëmundje serioze.

Ndërsa në lidhje koronavirusi i cili shkaktoi COVID-19 disa shkencëtarë kanë arritur në përfundim se as vaksinat dhe as imuniteti natyror  nuk do ta ndalonin përhapjen e tij.

''Megjithëse vaksinat zvogëlojnë transmetimin, ato nuk parandalojnë infeksionin në atë masë sa mund të vrasin virusin. Edhe para se të shfaqej mutacioni Delta, ne pamë njerëz të vaksinuar plotësisht të infektohen me virusin dhe ta transmetojnë atë te të tjerët. Meqenëse vaksinat janë pak më pak efektive në luftimin e variantit Delta sesa format e tjera të virusit, gjasat e infektimit pas vaksinimit janë rritur." është shprehur Hunter duke shtuar:

" Imuniteti ndaj infeksionit gjithashtu fillon të bjerë disa javë pas dozës së dytë të vaksinës. Dhe për shkak se ky imunitet nuk është as absolut as i përhershëm, imuniteti i tufës është praktikisht i pamundur. Kjo do të thotë që COVID-19 ka të ngjarë të bëhet një fenomen endemik, me numrin e përditshëm të rasteve në varësi të imunitetit dhe përfshirjes së popullatës'.

  Fundi i një pandemie do të ndryshojë nga vendi në vend dhe do të varet nga proporcioni i popullsisë që është imunizuar dhe sa njerëz janë infektuar (duke ndërtuar shkallën e imunitetit natyror ) që nga fillimi i pandemisë.

"Në vendet me mbulim të lartë të vaksinimit dhe incidencë të lartë , shumica e njerëzve do të kenë një formë imuniteti ndaj virusit, kështu që COVID-19 do të jetë më pak i rëndë. Dhe ndërsa gjithnjë e më shumë njerëz gradualisht bëhen më të fortë për shkak të ri-infeksionit ose rritjes së imunitetit, mund të presim një përqindje në rritje të infeksioneve të reja asimptomatike ose të paktën sëmundje të butë. Virusi do të mbetet me ne dhe sëmundja do të bëhet pjesë e historisë," shprehet Hunter.

 

 

© SYRI.net

Lexo edhe:

Komentet

Shto koment

Denonco