Një botim i fundit në revistën Nature eksploron efektivitetin e kombinimit të vaksinave të ndryshme.

Imunizimi me vaksina të ndryshme si AstraZeneca dhe Pfizer mund të shkaktojnë një reagim të fortë imunitar kundër SARS-cov-2 sipas një studimit të kryer kohët e fundit.

Rezultatet paraprake të testit nga më shumë se 600 njerëz nxjerrin në pah përfitimet e kombinimit të vaksinave të ndryshme kundër koronavirusit.

Disa vende evropiane tashmë po propozojnë që disa ose të gjithë njerëzit që kanë marrë dozën e parë të vaksinës AstraZeneca t'u jepet doza e dytë e një vaksine alternative.

Studiuesit shpresojnë që regjimet e vaksinimit të kombinuar do të shkaktojnë një përgjigje më të fortë imune sesa dy doza të një vaksine të vetme, ndërsa thjeshtojnë përpjekjet e imunizimit për vendet që përjetojnë mungesa kalimtare të vaksinave të ndryshme.

"Duket se vaksina Pfizer rriti ndjeshëm zhvillimin e antitrupave ndaj vaksinave me një dozë të vetme të vaksinës AstraZeneca", tha Dr. Zhou Xing , imunolog në Universitetin McMaster në Hamilton, Kanada.

Pyetja është, nëse njerëzve u duhet një dozë e tretë për të rritur imunitetin, ose për të mbrojtur veten nga mutantët në zhvillim?

 Dozat e përsëritura të vaksinave të bazuara në vektorë viralë, të tillë si Oxford-AstraZeneca, kanë tendencë të jenë më pak efektive sepse sistemi imunitar shkakton një përgjigje ndaj adenovirusit.

 Në të kundërt, vaksinat e ARN mund të shkaktojnë efekte anësore me doza shtesë.

Javën e kaluar, një studim në Mbretërinë e Bashkuar i quajtur Com-COV, i cili shqyrtoi kombinimet e dy vaksinave, zbuloi se njerëzit në grupet e kombinuara kishin norma më të larta të efekteve anësore të lehta, të tilla si ethe, sesa njerëzit që morën dy doza.

Në provën spanjolle CombivacS, efektet anësore të lehta ishin të zakonshme dhe të ngjashme me ato që shiheshin në regjimet standarde të vaksinave COVID-19, nuk u raportuan efekte anësore serioze.