23 vjeçarja nga Masa Carrara të cilës gabimisht iu injektuan 4 doza të vaksinës anti-Covid Pfizer –Biontec pi shtatë litra ujë në ditë, por vazhdon të jetë e dehidratuar.

Studentja po trajtohet nga virologu Fabrizio Pregliasco nga Universiteti Shtetëror i Milanos, i cili është shprehur: Ditë po kalojnë, shpresa është që nuk do të ketë reagime të rënda, ne jemi optimist’.

Ekspertët po hetojnë nëse dehidrimi shkaktohet në të vërtetë nga mbidoza e vaksinës. 

Studentja, e cila iu nënshtrua vaksinimit sepse ndoqi një praktikë mjekësore, vendosi të mos raportonte infermieren dhe mjekun që kryen administrimin.

" Unë nuk do të bëj asnjë akuzë penale - është shprehur ajo për  Il Corriere - por është e qartë se nëse kam pasoja të rënda në të ardhmen, dikush do të duhet të përgjigjet për dëmshpërblim."