Organizata Botërore e Shëndetësisë ka publikuar disa këshilla të reja për trajtimin e pacientëve me COVID-19, përfshirë ata që shfaqin simptoma të vazhdueshme pas shërimit.

Gjithashtu OBSH këshillonin përdorimin e dozave të ulëta të ilaçeve që shërbenin për të parandaluar mpiksjen e gjakut.

“Në udhëzimet e reja për pacientët COVID-19 në shtëpi duhet të përdorib oksimetrinë e pulsit, kjo është matja e niveleve të oksigjenit, kështu që ju mund të identifikoni nëse në shtëpi po përkeqësohet situata dhe do të ishte më mirë të kishit kujdes spitalor”, tha zëdhënësja e OBSH, Margaret Harris në një konferencë të Kombeve të Bashkuara në Gjenevë.

“Gjithashtu ne rekomandojmë përdorimin e anti-mpiksjes me dozë të ulët për të parandaluar formimin e mpiksjes së gjakut në enët e gjakut. Ne sugjerojmë përdorimin e dozave më të ulëta sesa dozave më të larta sepse doza më të larta mund të çojnë në probleme të tjera”, tha Harris.

Ajo shtoi se një ekip i drejtuar nga OBSH i ekspertëve të pavarur, në Wuhan, ku rastet e para me COVID u zbuluan në dhjetor 2019, do të dalin nga karantina në dy ditët e ardhshme për të ndjekur punën me studiuesit kinezë në origjinën e virusit, shkruan Reuters.