Cilat janë ndryshimet mes tre vaksinave kryesore anti-COVID?

Cilat janë ndryshimet mes tre vaksinave kryesore anti-COVID?

18:58, 01/01/2021
A+ Aa A-

Tre vaksina COVID-19 nga Pfizer/BioNTech, Moderna dhe Oxford/AstraZeneca, duket se do të jenë ato më të zakonshmet për europianët.

Ndërsa të gjitha kanë të njëjtin qëllim, ka disa dallime thelbësore duke nisur nga përbërja e tyre deri tek çmimi apo lehtësia e ruajtjes dhe shpërndarjes.

Pfizer/BioNTech dhe Moderna

Vaksina Pfizer njësoj si ajo Moderna përdor teknologjinë inovative të mesazhit RNA. Me pak fjalë, kjo teknologji mëson qelizat tona se si të prodhojnë një proteinë e cila është ajo që e bën sistemin imunitar të reagojë.

Pretendohet se efikasiteti i tyre në luftimin me sukses të COVID-19, deri në 95%, është më i lartë se ai i AstraZeneca.

Sidoqoftë, të dyja janë të kushtueshme.

Pengesa më e madhe e Pfizer është se ajo duhet të ruhet në të ftohtin ekstrem, në temperatura nga -70 gradë deri në -80 gradë. Ndërkohë Moderna mund të qëndrojë për 30 ditë në një temperaturë midis 2-8 gradë por për periudha më të gjata do të duhet të qëndrojë në -20 gradë.

Oxford/Astrazeneca

Krahasuar me Pfizer dhe Moderna, AstraZeneca përdor një teknikë tradicionale të vaksinës, duke përdorur një version të dobësuar të virusit që shkakton ftohjen e zakonshme te shimpazetë.

Ky virus është ndryshuar gjenetikisht me një gjen për një proteinë coronavirus, për të provokuar kësisoj dhe reagimin imunitar të trupit.

Shkalla e efikasitetit të saj është më e ulët, rreth 70% por në kushte të caktuara efikasiteti i saj mund të arrijë deri në 90%.

Vaksina AstraZeneca është shumë më e lirë dhe më e lehtë për t’u ruajtur sesa vaksina e Pfizer.

A janë vaksinat e tjera në rrugën e tyre?

Bashkimi Europian tashmë ka blerë dhjetëra miliona nga këto tre vaksina por nuk janë kandidatet e vetme. Vaksinat e tjera po zhvillohen nga Jonson&Johnson dhe Sanofi.

© SYRI.net

Lexo edhe:

Komentet

Shto koment

Denonco