Vaksina e Oksfordit kundër koronavirusit pritet të miratohet përpara Krishtlindjeve. Kështu deklaroi profesori që udhëheq projektin.

Adrian Hill tha se fillimisht këtë vaksinë do e marrin mjekët dhe pacientët më rrezik të lartë. Më pas do jepet autorizimi i plotë dhe vaksinimi masiv i popullsisë do të nisë nga fillimi i vitit që vjen.

Profesor Hill tha se është e mundur që vaksinimi të nisë përpara Krishtlindjeve.

“Miliarda doza janë duke u prodhuar në dhjetë fabrika në mbarë botën,” tha ai.

Sipas tij, pandemia do të zhduket deri në fund të pranverës.

“Të paktën në vendin tonë do jetë i mundur imuniteti i tufës përmes vaksinimit,” tha ai.