Pacientët e gripit kanë pothuajse 19 herë  më shumë gjasa të zhvillojnë sindromën e dështimit akut të frymëmarrjes  sesa  Covid-19

Pacientët e trajtuar me Covid-19 kanë të paktën pesë herë më shumë gjasa të vdesin sesa ata që trajtohen me grip, sipas një studimi të ri nga shkencëtarët në Qendrat për Kontrollin dhe Parandalimin e Sëmundjeve (CDC).

Meqenëse studimi i ri  shikonte vetëm pacientë të shtruar në spital , një krahasim i drejtpërdrejtë i vdekshmërisë totale të Covid-19 dhe gripit nuk mund të bëhej drejtpërdrejt , por siguron prova të reja se e para është më e rëndë dhe më vdekjeprurëse se e dyta. 

Studimi zbuloi se pacientët e shtruar në spital me koronavirus ishin në rrezik më të madh për 17 ndërlikime serioze (pneumoni, insuficiencë respiratore, trombozë, etj.), në lidhje me pacientët me grip në spital.

Krahasuar me gripin, pacientët me Covid-19 kanë pothuajse 19 herë më shumë gjasa të zhvillojnë sindromën e dështimit akut të frymëmarrjes (ARDS), si dhe më shumë se dyfishin e rrezikut të miokarditit (inflamacion të muskulit të zemrës), trombozë të brendshme të venës së thellë (zakonisht në këmbët), embolia pulmonare (tromboza në mushkëri) dhe hemoragjia intrakraniale.

Studiuesit, të cilët botuan studimin në Raportin Javor të Morbiditetit dhe Vdekshmërisë së CDC, analizuan të dhënat nga gati 4,000 pacientë me një moshë mesatare 70 vjeç të trajtuar për Covid-19 , si dhe 5,400 pacientë me një moshë mesatare 69 vjeç të cilët u trajtuan në spital me grip.
 

U zbulua se 21% e pacientëve me Covid-19 përfundimisht vdiqën në spital, krahasuar me vetëm 4% të pacientëve me grip. 

Gjithashtu, pacientët me koronavirus kishin më shumë gjasa të pranoheshin në një njësi të kujdesit intensiv (ICU), ndërsa kohëzgjatja e qëndrimit të tyre në spital ishte pothuajse tre herë më e lartë se ajo e pacientëve të shtruar në spital me grip.

Dëshmitë e deritanishme tregojnë se një përqindje më e lartë e njerëzve me Covid-19 do të duhet të shtrohen në spital sesa ata me grip.

 Sipas CDC, rreth 1% e atyre që u sëmurën nga gripi në periudhën 2019-2020 duhej të shtroheshin në spital, ndërsa sipas vlerësimeve nga Organizata Botërore e Shëndetësisë një përqindje shumë më e lartë e atyre që kanë infeksion Covid-19 mund të kenë nevojë për shtrim në spital.