Një këshilltar i lartë i qeverisë britanike tha se ka 'dritë në fund të tunelit'. Profesor Jeremy Farrar po i referohej prodhimit të vaksinës kundër koronavirusit.

Sipas tij, kjo vaksinë do jetë gati në fund të marsit 2021. Ai shtoi se në këtë kohë do ketë edhe një kurë efikase kundër virusit.

Reagimi i tij erdhi pas publikimit të disa pamjeve që tregojnë flakonët teksa mbushen me vaksinën kundër koronavirusit nga kompania Pfizer.

Ndërkohë edhe një zyrtar i lartë britanik tha se vaksina e Universitetit të Oksfordit do jetë gati që në dhjetor.