Një vaksinë kundër COVID-19 mund të jetë gati deri në fund të vitit, tha të martën kreu i Organizatës Botërore të Shëndetësisë (OBSH), pa dhënë hollësi.

Drejtori i Përgjithshëm i OBSH-së Tedros Adhanom Ghebreyesus bëri thirrje për solidaritet dhe angazhim politik nga të gjithë udhëheqësit për të siguruar shpërndarjen e barabartë të vaksinave kur ato bëhen të disponueshme.

“Ne do të kemi nevojë për vaksina dhe ka shpresë se deri në fund të këtij viti mund të kemi një vaksinë. Ka shpresë, ” tha Tedros në fjalët përmbyllëse të mbledhjes së Bordit Ekzekutiv të OBSH-së që shqyrtoi përgjigjen globale ndaj pandemisë.

Rregullatori i shëndetit të BE ka nisur një rishikim në kohë reale të një vaksine COVID-19 të zhvilluar nga prodhuesi amerikan Pfizer PFE.N dhe BioNTech 22UAy.

Njoftimi nga Agjencia Evropiane e Barnave (EMA) mund të përshpejtojë procesin e miratimit të një vaksine të suksesshme në bllok./ Reuters/