Pandemi nga gripi i derrit? Sa të shqetësuar duhet të jemi?

Pandemi nga gripi i derrit? Sa të shqetësuar duhet të jemi?

11:01, 30/06/2020

Mëngjesin e sotëm u raportua se një variacion i gripit të derrit i identifikuar në Kinë, ka potencialin për të shkaktuar një pandemi globale. Lajmi ka pushtuar mediat. Por sa të shqetësuar duhet të jemi?

BBC

Virusi, të cilin shkencëtarët e quajnë G4 EA H1N1, mund të rritet dhe të shumëfishohet në qelizat e linjës së rrugëve të frymëmarrjes njerëzore.

Shkencëtarët kanë gjetur prova të infeksionit gjatë kohëve të fundit te njerëzit që punojnë në thertore dhe industrinë e derrave në Kinë, kur shikuan të dhënat nga viti 2011 deri në vitin 2018.

Vaksinat aktuale të gripit nuk duket se mbrojnë kundër tij, megjithëse ato mund të përshtaten për ta bërë këtë nëse është e nevojshme.

Profesor Kin-Chow Chang, që punon në Universitetin e Nottingham në Mbretërinë e Bashkuar, i tha BBC: “Tani për tani jemi të hutuar me koronavirusin dhe me të drejtë. Por nuk duhet të humbasin shikimin ndaj viruseve të reja potencialisht të rrezikshme”.

Ndërsa ky virus nuk është një problem imediat, ai thotë: “Ne nuk duhet ta injorojmë”.

Në teori, një epidemi gripi mund të ndodhë në çdo kohë, por ato janë akoma ngjarje të rralla. Pandemitë ndodhin nëse shfaqet një variacion i ri, që mund të përhapet me lehtësi mes njerëzve.

Edhe pse viruset e gripit po ndryshojnë vazhdimisht- kjo është arsyeja se pse vaksina e gripit gjithashtu duhet të ndryshojë vazhdimisht- ato zakonisht nuk shkojnë në pandemi.

Profesor James Wood, kreu i Departamentit të Mjekësisë Veterinare në Universitetin e Kembrixhit, tha se kjo është një kujtesë se ne jemi vazhdimisht të rrezikuar nga shfaqja e patogjenëve të rinj. Ai shtoi se kafshët e kultivuara nga njerëzit, me të cilat kemi më shumë kontakte se me jetën e njerëzve, mund të veprojnë si një burim për viruse të rëndësishme pandemike.

© SYRI.net

Lexo edhe:

Komentet

Shto koment

Denonco