Përpos vdekjeve të përditshme dhe frikës mes njerëzve, nuk mungojnë as lajmet e mira.

Një 114-vjeçar nga Etiopia ka arritur që të fitojë betejën me Covid-19.

Lajmin e ka bërë të ditur, me anë të një postimi në Facebook, mjeku Yared Agidew, i cili drejtin një spital në kryeqytetin Addis Ababa ku i moshuari po merrte trajtim mjekësor.

Personat mbi 80-vjeç konsiderohen si më të prekurit dhe më të rrezikuarit nga Covid-19, por ka pasur jo pak raste kur  të moshuar mbi 100 vjeç e kanë kaluar me sukses.

“Ai është shëruar plotësisht. Tashmë gëzon shëndet të plotë. Jetë të gjatë dhe shëndet për të gjithë punonjësit tanë të shëndetësisë", shkruan mjeku në postimin e tij.