Rriten shpresat për kurën/ Zbulohet një tjetër antitrup i aftë të shkatërrojë COVID-19

Rriten shpresat për kurën/ Zbulohet një tjetër antitrup i aftë të shkatërrojë COVID-19

17:15, 26/05/2020

Një lajm i mirë ka ardhur nga shkencëtarët e Institutit të Kërkimeve Biologjike në Izrael (IIBR), të cilët njoftuan se kanë identifikuar një tjetër antitrup monoklonal, i aftë të shkatërrojë koronavirusin.

Deri tani ky është zbulimi i dytë i këtij lloji pas atij të shkencëtarëve të Universitetit të Utrecht.

Shkencëtarët tregojnë se imunoglobulina gjysmë sintetike është testuar vetëm në epruvetë, por shkencëtarët janë optimistë për vazhdimin e studimit.

Zbulimi i kësaj imunoglobuline, në gjendje të shkatërrojë virusin konsiderohet një “pikë kthese domethënëse” në krizën që ka shkaktuar anembanë botës patogjeni i shfaqur në Kinë.

Antitrupi është një imunoglobulinë gjysmë sintetike e zhvilluar në laborator.

Ai është në gjendje të kopjojë funksionin e antitrupave të vërtetë njerëzorë dhe nuk ka nga ana tjetër asnjë proteinë të dëmshme.

Një nga kufizimet e terapisë së plazmës, bazuar në infuzionin e plazmës së shëruar të pasur me antitrupa tek pacientët e sëmurë rëndë, qëndron tek fakti që procesi i pastrimit, sado i efektshëm të jetë, nuk e përjashton dot plotësisht përcjelljen e një agjenti infektiv.

Me antitrupat monoklonalë ky rrezik anashkalohet dhe shmanget gjithashtu edhe mungesa kronike e plazmës së përshtatshme për këtë lloj terapie.

Antitrupat monoklonalë janë në gjendje të “gjurmojnë” patogjenët dhe t’i shkatërrojnë ata në trupin tonë, e për këtë arsye konsiderohen një metodë premtuese terapeutike për COVID-19.

© SYRI.net

Lexo edhe:

Komentet

Shto koment

Denonco