Sindromi i rrallë dhe shumë serioz që prek fëmijët dhe adoleshentët. Lidhja me koronavirusin dhe alarmi që ngre UNICEF

Sindromi i rrallë dhe shumë serioz që prek fëmijët dhe adoleshentët. Lidhja me koronavirusin dhe alarmi që ngre UNICEF

15:37, 23/05/2020
A+ Aa A-

Ky është një virus i ri dhe ne ende po mësojmë se si preken fëmijët ose gratë shtatzëna. Ne e dimë se është e mundur që njerëzit e çdo moshe të infektohen dhe ta transmetojnë virusin, megjithëse personat e moshuar ose ata me probleme mjekësore para-ekzistuese duket se kanë më shumë të ngjarë ta zhvillojnë sëmundjen me simptoma më serioze.

Ka raporte për një sindrom të rrallë por serioz inflamator multisystem që prek fëmijët dhe adoleshentët, ndoshta e lidhur me COVID-19. Karakteristikat klinike mund të përfshijnë, por nuk kufizohen në: ethe të vazhdueshme, skuqje, sy të kuq ose rozë, buzë ose gjuhë e fryrë, duar, këmbë të skuqura, probleme gastrointestinale, presioni i ulët i gjakut, rrjedhja e dobët e gjakut në organe, dhe shenja të tjera të inflamacionit.

Shumë nga këta fëmijë kanë testuar pozitivë me COVID-19. Sidoqoftë, nuk dihet me siguri nëse infeksioni i COVID-19 po e shkakton këtë gjendje. Deri më tani, këto raste janë raportuar kryesisht në Amerikën e Veriut dhe Evropë. Ne nuk e dimë akoma nëse gjendja është e pranishme në pjesë të tjera të botës dhe thjesht nuk është njohur ende. Fëmijët që kanë këto simptoma duhet të kërkojnë kujdes mjekësor. Diagnoza dhe trajtimi i hershëm janë kritike dhe shumë të rëndësishme, por raportet fillestare sugjerojnë se shumica e rasteve janë përgjigjur mirë ndaj trajtimit me anti-inflamator.

Fëmijët mund të preken në mënyrë disproporcionale nga masat e marra për të kontrolluar shpërthimin e COVID-19, të tilla si mbyllja e shkollave dhe masat për distancimin fizik. Vëmendje e veçantë duhet t’i kushtohet për të parandaluar dhe minimizuar pasojat negative tek fëmijët sa më shumë që të jetë e mundur.  UNICEF / bota.al

© SYRI.net

Lexo edhe:

Komentet

Shto koment

Denonco