Shkencëtarët që po punojnë për një vaksinë të koronavirusit thonë se brenda gjashtë javësh do të mësojnë nëse ajo funksionon apo jo.

Sir John Bell, profesor regius i mjekësisë në Universitetin e Oksfordit tha se qindra persona e kanë marrë vaksinën në fazën e testimit te njerëzit.

Duke folur për BBC, ai tha se shpreson që të kenë një sinjal nëse vaksina funksionon nga mesi i qershorit.

Një ekip shkencëtarësh nga Oksfordi janë të parët në garën për vaksinën. Testimet e tyre te majmunët kanë dhënë sinjale shumë të mira.

Kjo është arsyeja se përse kompania gjigande AstraZeneca është ofruar për të prodhuar vaksinën e tyre në masë.